2023 წლის 18 მარტს საქართველოს დივიზიის დონეზე გაიმართა გაერთიანებული ბავშვთა მსახურება, რომელშიც მონაწილეობა მიიღეს დაახლოებით 90-მა ბავშვებმა სხვადასხვა კორპუსებიდან. ღონისძიება ქალაქ რუსთავში, ცენტრალურ კორპუსში გაიმართა.
მსახურების მიზანი იყო ხსნის არმიის სხვადასხვა კორპუსის ბავშვებისთვის ერთმანეთის გაცნობა და ახალი ბავშვების მოწვევა. ასეთი შეხვედრები ბავშვებისთვის შესანიშნავი შესაძლებლობაა დაპატიჟონ ძმები და დები, ასევე მეგობრები და თანაკლასელები. ბავშვები ძირითადად ექვსიდან თორმეტ წლამდე იყვნენ. ღმერთმა გვაკურთხა იმ დღეს გაზაფხულის თბილი და მზიანი ამინდით. შეხვედრის უმეტესი ნაწილი დახურულ სივრცეში მიმდინარეობდა, მაგრამ სადილის დროს გამოვიყენეთ მიმდებარე ტერიტორიაც, რომელსაც აქვს სათამაშო მოედანი საქანელებით. კლუბის პროგრამა წინასწარ მომზადებული იყო სხვადასხვა კორპუსის ბავშვთა მსახურების გუნდის მიერ, რომლებიც პასუხისმგებელნი არიან ჩვენს ეკლესიაში ბავშვთა მსახურების განვითარებაზე.
მსახურებისდასაწყისში ბავშვებთან ერთად შეგვეძლო გვესწავლა და გვემღერა ორი ქრისტიანული სიმღერა მოძრაობებით. ბავშვებს განსაკუთრებით უყვართ სიმღერა და მოძრაობების გამეორება. სიამოვნებით იღებდნენ მონაწილეობას თამაშებში, აქტიურად ერთვებოდნენ კითხვა-პასუხებში და სიხარულით ამზადებდნენ ლამაზ სამაჯურებს ხელსაქმის გაკვეთილზე. ბიბლიის შესწავლისას კი ბავშვებმა მოისმინეს ისტორია ადამიანთა შორის ნამდვილი მეგობრობისა და ურთიერთდახმარების შესახებ. დასასრულს, ძალიან საინტერესო ვიქტორინა ქონდათ მულტფილმის პერსონაჟების მონაწილეობით. ბავშვები აღფრთოვანებული იყვნენ, რადგან დღე გამოვიდა ძალიან სახალისო, ნაყოფიერი და დასამახსოვრებელი. მადლობას ვუხდით ღმერთს თითოეული მათგანისთვის და რწმენით ვანდობთ უფალს მათ აწმყოს და მომავალს.