საქართველოს ამბები #10

შესავალი

დავიწყებ ფრენკ სინატრას მიერ შესრულებული სიტყვებით „და აი, დასასრულიც ახლოა..’

ორწლინახევრის შემდეგ, რეგიონის ლიდერები, ჯილიანი და სტივი ემზადებიან სამშობლოში დასაბრუნებლად.

გულწრფელი ვიქნებით თუ ვიტყვი, რომ მიღებული რთული გამოცდილებების მიუხედავად, საქართველო სამუდამოდ დარჩება ჩვენს გულებში.

მოულოდნელი იყო ჩვენთვის გადაწყვეტილება ინგლისში დაბრუნების თაობაზე,  რასაც თან ახლდა არასასიამოვნო განცდა ბოლო რამოდენიმე თვის განმავლობაში, თუმცა მომავალს იმედის თვალით ვუყურებთ და ვაღიარებთ, რომ უფალი აკონტროლებს ყველაფერს და მოვა დრო, როცა ის დაგვანახებს მის ნებას ამ გადაწყვეტილებაში.

გადასახლებაში მყოფ ისრაელიანებს, რომლებიც იტანჯებოდნენ, იერემია მიმართავს და ახსენებს უფლის სიტყვებს ‘რადგან მე ვიცი ის ზრახვები, რაც მე განვიზრახე თქვენზე…ზრახვები მშვიდობაზე, რომ მოგცეთ თქვენ მომავალი და იმედი.’

ამ მუხლით უფალი მთელს ერს მიმართავს, მაგრამ მას ხშირად პირად აღთქმად ვიღებთ, თუმცა ეს არ ყოფილა იერემიას მიზანი. მიუხედავად ამისა ეს ის აღთქმაა, რომელსაც შეიძლება დავეყრდნოთ.

და ახლა, როცა ვტოვებთ საქართველოს გვჯერა, რომ უფალი ჩვენც მოგვცემს მომავალს და იმედს ინგლისში. ასევე ჩვენ ასევე გვწამს, რომ უფალი მისცემს მომავალს და იმედს საქართველოს ხსნის არმიას.

ჩვენი ლოცვაა, რომ უფლის ხელი და თანდასწრება დავინახოთ თითოეულმა ჩვენგანმა, მიუხედავად იმისა, თუ რას გვიმზადებს მომავალი. გთხოვთ ილოცოთ ჩვენთვის, რადგან მივემგზავრებით; გთხოვთ ილოცოთ რეი და ქარელისთვის, რადგან ჩამოსვლისთვის ემზადებიან; ილოცეთ საქართველოს ხსნის არმიისთვის, რათა მისი მომავალი იმედით იყოს სავსე.

აღდგომა

ბოლო რამოდენიმე თვე განსაკუთრებულად დატვირთული იყო, რომელზეც მოგახსენებთ დეტალურად.

წელს საქართველოში მართლმადიდებლური აღდგომის დღეები დაემთხვა კათოლიკურ დღეებს, რამაც საშუალება მოგვცა მსოფლიოს სხვა ქრისტიანებთან ერთად გაგვეხსენებინა უფლის ჯვარცმა და გვეზეიმა მისი აღდგომა.

ამ წელს ჯილიანს და სტივს მონაწილეობა არ მიუღიათ სააღდგომო მსვლელობაში, რადგან ჯილიანი დაპატიჟეს ‘თიინ ჩელენჯის“ ცენტრში ქალაქგარეთ  და სთხოვეს რომ უფლის სიტყვა გაეზიარებინა მათთვის.

10_01
10_02

ძალიან შთამბეჭდავი იყო რეაბილიტირებულ ნარკო/ალკოჰოლ დამოკიდებულებთან რამოდენიმე საათის გატარება.

რამოდენიმე კვირის შემდეგ ისევ ვეწვეთ ‘თიინ ჩელენჯის’ ახალ, ნარკო/ალკოჰოლ დამოკიდებულთა სარეაბილიტაციო ცენტრს ბათუმში, რომელსაც მალე აამუშავებენ. ეს არის ძალიან კარგი მაგალითი იმისა, თუ ღმერთით შთაგონებულ ხედვას, როგორ შეუძლია შეცვალოს ადამიანების ცხოვრება.

კონფერენცია ‘გაპ’-ი

აპრილში კიდევ ერთხელ მოგვეცა შესაძლებლობა გაგვეწია მასპინძლობა კონფერენციისთვის, რომელიც ტარდებოდა ‘ქართულ-აზერბაიჯანული თანამშრომლობის’ სახელით (Georgia Azerbaijan Partnership)

ეს იყო სწავლის და გაზიარების არაჩვეულებრივი დღეები, სადაც მოწვეულნი იყვნენ საქართველოში მცხოვრებ აზერბაიჯანელებთან მომუშავე გუნდი, ამერიკელ და აზერბაიჯანელ სტუმრებთან ერთად. მათ ერთად შეისწავლეს და იმსჯელეს  ცათა სასუფეველზე და გაუზიარეს ერთმანეთს ამ ხალხთან მუშაობის თავისი გამოცდილება.

ეს იყო ძალიან დელიკატური და ფაქიზი შეხვედრა, რომელიც მათთან ერთად სიამოვნებით გავატარეთ მასპინძლობის პარალელურად.

ვიზიტები

ჩვენი საქართველოში ყოფნის დროს აღმოვაჩინეთ კიდევ ერთი რამ: საქართველოში სტუმრობის ყოველთვის  საკმაოდ ბევრი მსურველია. ზოგს არდადეგების გატარება სურს აქ, ზოგი კი – ჩვენი საქმიანობის მოსანახულებლად ჩამოდის, რომელიც ძირითადად სპონსორობასთან და პროექტებთან არის დაკავშირებული.

მათ შორის შტატებიდან იყო ფეიშენთ ფილდინგი, რომელიც SAWSO-ს სახელით გვეწვია, ეს არის ერთ-ერთი ყველაზე დიდი სპონსორი ჯგუფი. ფეიშენთი საქართველოში ჩამოვიდა რათა ენახა მომავალში ჩვენი საქმიანობის განვითარების გზები.

ჩვენ ჯერ კიდევ ველოდებით მისგან ანგარიშს, მაგრამ ჩვენი ლოცვაა, რომ ამ ვიზიტმა შესაძლებელი გახადოს ჩვენი საქმიანობის გაუმჯობესება მომავალში.

ლიდერობის დღე

ძალიან გვიხარია, რომ შემოდგომას ვერ ჩატარებული კონფერენცია ლიდერობის შესახებ გადაიდო და ბოლოს და ბოლოს ჩატარდა აპრილის ბოლოს.ამ შეხვედრის მიზანი იყო გაგვემხნევებინა ხსნის არმიელები და ხსნის არმიის მეგობრები ეფიქრათ კორპუსის ადგილობრივ ლიდერთა გუნდში აქტიურ ჩაბმაზე.

10_04
10_05

წაკითხულ სემინართა შორის იყო შემდეგი თემები: ‘რას ნიშნავს ადგილობრივი ოფიცერი“; „ინტეგრირებული მისია“; „რატომ ოფიცრობა“ და თითოეული სემინარის დროს საუბარი იყო იმაზე თუ რას ამბობს ბიბლია ლიდერობასთან დაკავშირებით.

ორმოცდაათმა ადამიანმა გამოთქვა სურვილი ეს დღე ჩვენთან ერთად გაეტარებინა და მოესმინა თემები.

ამ დღის შედეგი იყო ის, რომ დაინიშნა ახალი დღე სემინარებისთვის, რომელიც მხოლოდ მიეძღვნა საუბრებს ოფიცრობასთან დაკავშირებით.  ეს სემინარი ღია იყო ყველასთვის ვისაც ჰქონდა სურვილი ან ხედვა ან თავის თავს მოიაზრებდა მომავალ ოფიცრად.  დაახლოებით ოცამდე ადამიანი შეიკრიბა ამ დღეს, და ეს იყო ყველაზე დიდი გამხნევება.

ბიბლიის სკოლა

ორი წლის და ათეული სესიების შემდეგ რეგიონის ბიბლიის სკოლამ მიაღწია დასკვნით ნაწილს ბოლო რამოდენიმე თვის განმავლობაში.

დამსწრეთა რაოდენობა საკმაოდ მცირე იყო, მაგრამ მიუხედავად ამისა, დამსწრეთა ამ ერთგულ გუნდს საშუალება ჰქონდა შეესწავლა ხსნის არმიის რწმენის საძირკვლები საკმაოდ კომფორტულ გარემოში.

თუმცა დამსწრეთა რაოდენობა უჩვეულოდ გაიზარდა ბოლო შეხვედრაზე, როცა შევეხეთ საიდუმლოებებს, ხსნის არმიის ადგილს მსოფლიო ეკლესიაში და ჩვენს დამოკიდებულებებს ნათლობასა და ზიარებაზე.

ბინა ფონიჭალაში

დიდი სიხარული მოგვანიჭა იმან, რომ შევძელით ფონიჭალის კორპუსი უზრუნველგვყო საცხოვრებელი ბინით.

ეს იყო ერთადერთი კორპუსი საქართველოში, რომელსაც არ გააჩნდა არანაირი საკუთრება, და როდესაც დაფინანსების თანხმობა მივიღეთ საერთაშორისო შტაბბინიდან მაშინვე დაიწყო ხელსაყრელი საცხოვრებელი ბინის ძიება კორპუსის ოფიცრებისთვის.

ეს არც ისე ადვილი საქმე აღმოჩნდა, მაგრამ უამრავი ლოცვის და თავდაუდებელი ძიების შედეგად ბოლოსდაბოლოს მოხერხდა საცხოვრებელი ბინის შეძენა.

ეს წელი საკმაოდ წარმატებული აღმოჩნდა ფონიჭალის კორპუსისთვის, რადგან სასამართლომ გაანულა წინა დაქირავებული შენობისთვის გამოწერილი ჯარიმა, შენობის არამიზნობრივად გამოყენების გამო, დაკისრებული ჯარიმა შეადგენდა 40 ათას ლარს. აპლოდისმენტები ნამდვილად ეკუთვნის ჯილიანს, მისი თავდადებული სიმტკიცისთვის, რომ გავნთავისუფლებულიყავით ამ ჯარიმის გადახდისგან.

რეგიონალურში ტორტით საზეიმო ავღნიშნეთ ბინის შეძენა.ჩვენ მადლიერნი ვართ უფლის და საერთაშორისო შტაბბინის ამ საჩუქრისთვის. ეხლა რეგიონში ერთადერთი შენობაღაა რომელსაც ვქირაობთ.

ხელდასხმა

პირველად, რეგიონის ისტორიაში, ოფიცერთა ხელდასხმა მოხდა საქართველოში. ეს მართლაცდა იყო ღირსშესანიშნავი მოვლენა რეგიონში, ვინაიდან მოხდა  აღმოსავლეთ ევროპის ხსნის არმიის კადეტების ოფიცრად ხელდასხმა, კადეტები წარმოდგენილნი იყვნენ მოლდოვიდან, უკრაინიდან, რუსეთის სამეთაუროდან და საქართველოდან.

კადეტები წარადგინა სტივმა, რომელიც ასევე ითავსებს დამატებით როლს და წარმოადგენს აღმოსავლეთ ტერიტორიის კურსის რექტორს.

ხელდასხმის ცერემონიას ხელმძღვანელობდა ტერიტორიის მეთაური პოლკოვნიკი როდნი ვოლტერსი და რუსეთის მეთაური პოდ პოლკოვნიკი ალექსანდერ ხარკოვი.

10_10
10_11

დაახლოებით ასორმოცდაათი ადამიანი შეიკრიბა ბეთელის ცენტრში რათა ერთად განედიდებინათ და კადეტებისთვის მოესმინათ მათ ხელდასხმამდე.

შეხვედრის დასასრულს ლეიტენანტებმა სიმბოლურად დატოვეს შენობა, ახალი თავგადასავლების დაწყების ნიშნად ახლად ხელდასხმული ოფიცრის სტატუსით.

ხელდასხმის გასრულების შემდეგ, ტერიტორიის ლიდერთა ჯგუფმა, დივიზიების და რეგიონის ლიდერებმა დამატებით რამოდენიმე დღე გაატარეს საქართველოში დასვენების და განტვირთვის მიზნით.

ტანსაცმლის კონტეინერი

საკმაოდ დიდხნიანი მზადების და მოლაპარაკებების შემდეგ რეგიონმა ნორვეგიიდან მიიღო ტანსაცმელის კონტეინერი.

ეს ინიციატივა ემსახურებოდა რეგიონის თვითდაფინანსებას, ხსნის არმიის მეორადი მაღაზიების სრულად მომარაგებით და დარჩენილი მეორადების ბითუმად ამოყიდვის წყალობით.

კონტეინერი გამოიგზავნა ნორვეგიიდან, გამოიარა გერმანია და საბერძნეთი და ბოლოსდაბოლოს მოაღწია დიდი დიღმის საწყობამდე ორშაბათს საღამოს, ხელდასხმის ზუსტად მომდევნო დღეს. ეს იყო ყველაზე უარესი დრო კონტეინერის მისაღებათ, თუმცაღა ტერიტორიის ლიდერები ჩვენს გერდით იდგნენ და გვეხმარებოდნენ კონტეინერის დაცლაში.

ტანსაცმელების დაფასოება უკვე დაიწყო და მომდევნო თვეების მანძლზე უკვე გვეცოდინება რამდენად მომგებიანია ამ გზით თვითდაფინანსება.

დანიშნულებების შეცვლა

ბოლო კვირების განმავლობაში რეგიონში რამოდენიმე ოფიცერმა შეიცვალა დანიშნულება, რაც კარგი ნაბიჯი იყო მათთვის, ვისაც უკვე რამოდენიმე წელია არ შეხებია ცვლილებები.

კონსულტაციების და ლოცვების შემდეგ გამოცხადდა ახალი დანიშნულებები და მოხდა მათი ხელდასხმა დანიშნულებების მიხედვით.

ლეიტ ელნურა და ვოვა ბუდაევებმა მიიღეს მათი პირველი დანიშნულება ცენტრალურ კორპუსში, კორპუსის ოფიცრებად.

ლეიტ ნინო და თემო გალუსტიანებმა დანიშნულება მიიღეს დიდი დიღმის კორპუსში;

კაპ თენგიზ და ვიკა თუნგიები დაინიშნენ რუსთავის კორპუსში;

კაპ ლევან და ნინო კვერნაძეებმა კი დანიშნულება ფონიჭალის კორპუსში მიიღეს.

10_14
10_15
10_16
10_17

ასევე ლაგოდეხის კორპუსში დანიშნულება მიიღეს უკრაინის დივიზიიდან დანიშნულმა კაპიტნებმა იური და ირინა პომიტკინებმა.

ვლოცულობთ მათთვის, ვინც შეიცვალა დანიშნულება და იმ კორპუსებისთვის, ვინც მიიღო ახალი ოფიცრები.

ახალგაზრდული ბანაკი

კიდევ ერთი ღონისძიება, რომელიც დიდი ხანია იგეგმებოდა, იყო ახალგაზრდული ბანაკი.

ნიდერლანდებიდან შემოსული გრანტის წყალობით 58 ახალგაზრდამ, შრომისმოყვარე ლიდერთა  ჯგუფის თანხლებით ხუთი დღე გაატარა ბაკურიანში.

იოსების ისტორიის პარალელურად ახალგაზრდები ამ კვირის მანძილზე მსჯელობდნენ ისეთ თემებზე, როგორიცაა „სულიერი ნიჭები“; „კონფლიქტები“; „ღმერთის ხასიათი“ და „საფრთხე თამაშებში“

10_19
10_20
10_21

ეს იყო სწავლის და სახალისო გუნდურ თამაშებში სასიამოვნოდ გატარებული კვირა ულამაზეს ბუნებაში.

ბანაკის საღამოები მრავალფეროვანი იყო სხვადასხვა პროგრამებით, ჩვენ მოწმენი გავხდით ახალგაზრდების ნიჭიერების და მონაწილეობა მივიღეთ „გამოსაშვებ საღამოში“.

რა თქმა უნდა ბანაკის სულიერი გავლენა უდიდესი იყო. ახალგაზრდებმა მიიღეს გამოწვევა აერჩიათ უფლის გზა, რისკენაც ბევრმა გადადგა ნაბიჯი კიდეც.

ვლოცულობთ, რომ ის გადაწყვეტილებები, რაც ბანაკში მიიღეს ახალგაზრდებმა განვითარდეს მათში და ისინი უფლის ერთგული დარჩნენ.

ბავშვთა ბანაკი

დაახლოებით ორმოცდაათმა ბავშვმა რამდენიმე დღე გაატარა ახლად გარემონტებულ საბანაკე ტერიტორიაზე ლაგოდეხში სახელით „ახალი თაობა“

10_23
10_24

აშკარა იყო რომ ბავშვები კომფორტულად, როგორც საკუთარ სახლში, ისე გრძნობდნენ თავს ხსნის არმიის სივრცეში.

ბავშვებმა არაჩვეულებრივი დრო გაატარეს ხელგარჯილობის გაკვეთილებზე; სემინარების მოსმენისას, როცა საუბრობდნენ უფლის სიყვარულზე; თამაშების და გართობის დროს.

10_25
10_26

როგორც ყოველთვის მდინარეზე გატარებული დღე განსაკუთრებულად დასამახსოვრებელი იყო. ბევრი მათგანისთვის და განსაკუთრებით კი ქალაქელი ბავშვებისთვის ეს იყო განტვირთვის და მხიარულების დრო, სადაც თავს დაცულად და კომფორტულად გრძნობდნენ ლიდერებთან ერთად.როგორც ყოველთვის, მათ მიიღეს გამოწვევა ეფიქრათ ღმერთთან თავის ურთიერთობებზე.

გამოსამშვიდობებელი შეხვედრა

კვირას, 30 ივლისს რეგიონალურ ლიდერებთან, სტივთან და ჯილიანთან საბოლოო შეხვედრა გაიმართა ცენტრალურ კორპუსში, რომელიც სავსე იყო ახალგაზრდებით, ისინი მოვიდნენ რომ მადლობა გადაეხადათ ბანაკებისთვის და გამომშვიდობებოდნენ რეგიონალურ ლიდერებს.

ტერიტორიულმა ლიდერებმა, პოლკოვნიკმა როდნი და ვენდი ვოლტერსებმაც სიტყვა თქვეს და მათ სერთიფიკატები გადასცეს მადლიერების ნიშნად.

10_27
10_28
10_29

ელიზა კურშუდიანმა და სოფო ნებიერიძემაც გამოხატეს თავისი მადლიერება საქართველოში სტივისა და ჯილიანის თავმდაბალი მსახურებისათვის.

ბოლოს ჯილიანმა და სტივმა შეაჯამეს საქართველოში თავისი ორწელიწადნახევრიანი მსახურება, მათ გაამხნევეს დამსწრე საზოგადოება, რომ მათ გაამხნევონ და გვერდში დაუდგნენ დარბაზში წარმოდგენილ ახალგაზრდებს, რომლებიც შესაძლებელია ხსნის არმიის საქმიანობებს ჩაუდგნენ სათავეში მომავალში. და რომ ყველამ უნდა იცხოვროს უფლის მოსაწონი ცხოვრებით.

10_30
10_31

…და ბოლოს

ეს არის ჩვენი ბოლოს წერილი საქართველოში. იმედი გვაქვს რომ მიიღეთ საჭირო ინფორმაცია იმაზე თუ რაზე იფიქროთ და ილოცოთ.

გულწრფელ მადლობას გიხდით მათ ვინც გვერდში გვედექით. ჩვენ ვერაფერს შევძლებდით თქვენს გარეშე. ეხლა, როცა ამ წერილის ბოლო წინადადებებს ვბეჭდავ და ჩემი საქართველოში მსახურების ბოლო საათები მოსალოდნელზე ადრე იწურება, ჩემი გული სავსეა სევდით.

არ ვიცით რას სთავაზობს მომავალი საქართველოს ხსნის არმიას, მოდით ვილოცოთ, რომ დაე უფალი განდიდდეს და მისი სამეფო გავრცელდეს ამ რეგიონში.

ჩვენ ვლოცულობთ ჩვენს შემცვლელებზე, რომლებიც რამოდენიმე კვირაში ჩამოდიან საქართველოში, მაიორ რეი და ქარელ ბეგლებზე, რომ უფალმა გამოიყენოს ისინი და მათ შეძლონ ადვილად აუღონ ალღო აქაურობას.

თუ გინდათ გაიგოთ უფრო მეტი გთხოვთ მოიწონოთ ფეისბუქის გვერდი სახელწოდებით: KhsnisArmiaGeorgia აქ ყოველთვის გვაქვს განახლებული ინფორმაცია მიმდინარე მოვლენებზე.

დაე უფალმა გაკურთხოთ უხვად თითოეული თქვენგანი.