საქართველოს ამბები #9

შესავალი

უკვე რამოდენიმე თვე გავიდა მას შემდეგ, რაც მოგწერეთ საქართველოში მიმდინარე მოვლენების შესახებ.

ამ თვეების მანძილზე, ჩვენ ორივეს, ხშირად გვიწევდა მოგზაურობა. ჩვენ სხვადასხვა დროს საქმიანი ვიზიტების ფარგლებში ვეწვიეთ მოლდოვას, ჰოლანდიას, სლოვაკეთს და ინგლისს. სხავადსხა პოზიციების გადანაწილება გვიჯდება იმ ფასად, რომ ჩვენ ხშირად მოგზაურობა გვიწევს ცალ-ცალკე. და რამდენად სასიამოვნო, იყო როცა თებერვალში ორივემ მივიღეთ მიწვევა სპიკერებად ჰოლანდიაში ოფიცერთა კონფერენციაზე.

რა თქმა უნდა, ასეთი სასიამოვნო დღეები სწრაფად მიფრინავს. ტელეფონში ჩამოტვირთული მაქვს ეპი, რომელიც იმახსოვრებს მნიშვნელოვან თარიღებს, ასე რომ ეხლა შემიძლია გითხრათ რომ საქართველოში ჩვენ უკვე 769 დღეა რაც ვართ. ვეცადე გამეგო რამდენი დღეა უკვე რაც ამ დედამიწაზე ვცხოვრობ, მაგრამ ტელეფონის ეკრანი არ მიწყობს ხელს, რომ ციფრი მთლიანად დავინახო!

როდესაც იმაზე ვფიქრობ თუ როგორ სწრაფად გარბის დრო, მახსენდება გამონათქვამი: „დღეების რაოდენობას კი არა აქვს მნიშვნელობა, არამედ თუ რას ვიღებ მე ამ დღიდან“, ეს ადვილია სათქმელად, რადგან ჩვენი ცხოვრების ჩვეულებრივი რიტმი შთანთქავს ჩვენს დროს.
მაგრამ ჩვენი ლოცვა დღეს არის, რომ ყველა, ვინც ამ წერილს კითხულობთ საქართველოში თუ საზღვრებს მიღმა, მაქსიმალური მივიღოთ ჩვენი დღევანდელი დღისგან.

ებრაელთა 3:13 მუხლი ამბობს: ‘…შეაგონებდეთ ერთმანეთს ყოველდღე, ვიდრეღა ითქმის “დღესო”…’

დაე  დღევანდელი დღე იყოს გამხნევების დღეს, ვინაიდან თქვენი მცდელობაა რომ სრულფასოვნად გაატაროთ იგი და მიიღოთ ყველა ის კურთხევა რასაც ღმერთი გთავაზობს დღევანდელ დღეს.

სწავლების დღეები

გასული თვეები საკმაოდ გადატვირთული იყო.

იანვარში გაგვიმართლა რამოდენიმე დღე გაგვეტარებინა ოფიცრებთან ერთად ბაკურიანში. ეს არის სათხილამურო ტურისტული დაბა, რომელიც გაშენებულია მცირე კავკასიონის ქედზე, ასე რომ თანაზიარებისა და სწავლების პარალელურად, რამოდენიმე ჩვენგანმა მოვახერხეთ დავკავებულიყავით ზამთრის სპორტით.

ჩვენ ერთად შევისწავლეთ ბიბლია, ასევე ვილოცეთ და ვიმსჯელეთ რეგიონში მიმდინარე მნიშვნელოვან საკითხებზე. გარკვეული საფუძველი ჩაეყარა ტერიტორიის მისიის სტრატეგიულ გეგმასაც.
ამ დღეების მანძილზე, ჩვენს ახალ თარჯიმან, გიორგისაც  ჰქონდა საშუალება გასცნობოდა ხსნის არმიას.

კორპუსების და რეგიონის შეფასება

ბოლო თვეების მანძილზე რეგიონი საკმაოდ დაკავებული იყო კორპუსების მუშაობის შეფასებით. ეს საუკეთესო საშუალებაა იმის დასანახად, თუ როგორი გზით განვითარდა კორპუსის და ოფიცრის მსახურება ბოლო წლის მანძილზე და რა შეიძლება დაიგეგმოს მომავლისთვის.

საქართველოს რეგიონის ხსნის არმიის ახლანდელი სიტუაციიდან გამომდინარე, ვეძებდით გზებს როგორ დავხმარებოდით კორპუსებს მათი მისიის შემუშავებაში. გენერალ ჯონ გოვანის იდეა „სულების გადარჩენა, წმინდანების ზრდა და ტანჯულთა დახმარება’ დაგვეხმარა დაგვენახა ჩვენი მისია.

 

 

 

 

 

 

კორპუსების შეფასების დასრულებას თან მოყვა მოლდოვიდან ოთხი ლიდერის ვიზიტი ჩვენს ტერიტორიაზე.

მათ რამოდენიმე დღე დაჰყვეს საქართველოში და ეს დრო დაუთმეს რეგიონის შეფასებას და ოფიცრებთან ურთიერთობას. ისინი ასევე დატკბნენ საქართველოს ხმებით და ბუნებით.

გადამღები ჯგუფის ავსტრალიიდან

აღმოსავლეთ ტერიტორიის სხვა რეგიონების მსგავსად, საქართველოს რეგიონიც მთლიანად დამოკიდებულია შემოწირულობებზე.

აქედან გამომდინარე, ძალიან სასიამოვნო იყო ავსტრალიელი გადამღები ჯგუფის მასპინძლობა, რომლებმაც დოკუმენტური ფილმი გადაიღეს ჩვენს რეგიონზე, რომელსაც, მომავალ წელს აჩვენებენ ხსნის არმიის კორპუსში ავსტრალიაში და შეაგროვებენ თვითუარყოფის თანხას ჩვენი რეგიონისთვის.

მათ განსაკუთრებული ყურადღება გაამახვილეს ახალგაზრდებთან მსახურებაზე სამგორის კორპუსში და ეწვივნენ რამოდენიმე სკოლის-შემდგომ პროგრამას, გაესაუბრნენ მათ და გადაიღეს ვიდეოები.

 

 

 

 

 

 

 

 

 

 

კადეტები ლონდონში

მარტის დასაწყისი განსაკუთრებულად ღირსშესანიშნავი იყო რეგიონის კადეტების, ვოვას და ელნურას ცხოვრებაში.

ერთ თვიანი მზადების და ლოცვის შემდეგ, მათ საშუალება მიეცათ დასწრებოდნენ ოფიცერთა ტრეინინგს ვილიამ ბუთის კოლეჯში სტივთან და სხვა კადეტებთან ერთად.

სემინარებს ესწრებოდნენ ინგლისის, უნგრეთის და ჰოლანდიიდან წარგზავნილ კადეტებიც.

სემინარების პარალელურად მათ საშუალება მიეცათ მოენახულებინათ არმიელებისთვის ღირშესანიშნავი ადგილები, ისეთი როგორიცაა ლონდონის უკიდურესი აღმოსავლეთი ნაწილი, საიდანაც დაიწყო ვილიამ ბუთის მსახურება 1865 წელს.

ისინი ასევე ეწვივნენ კატერინა და ვილიამ ბუთების, და ასევე სხვა მოწაფეების სასაფლაოებს აბნი-პარკის სასაფლაოზე.

ტერიტორიის ‘ლიდერობის შესწავლის’ პროგრამაში შედიოდა ერთად თაყვანისცემის მოწყობა 300 სხვა ადამიანთან ერთად, რომელიც ჩატარდა ვილიამ ბუთის კოლეჯში.

ლონდონში მათი ყოფნის ბოლო დღეს ისინი ეწვივნენ საერთაშორისო შტაბბინას. ისინი აღფრთოვანებულები დარჩნენ იმით, რომ მიუხედავათ თავისი გადატვირთული სამუშაო გრაფიკისა, გენერალმა დრო გამონახა კადეტებთან ერთად გადაეღო სურათი.

z8
z9
z7

ქალ-ლიდერთა შეკრება

მარტში, ბაკურიანში დაბრუნების კარგი მიზეზი მიეცათ ქალბატონებს. კაპიტან სოფო ნებიერიძის ხელმძღვანელობით, კოლონელ ვენდი ვოლტერსისა და ჯილიანის მონაწილეობით, ქალბატონები კიდევ ერთხელ დაფიქრდნენ თუ რას ნიშნავს იცხოვრო შეცვლილი ცხოვრებით.

თოთხმეტი დამსწრე ქალბატონი, რომლებიც წარგზავნილები იყვნენ ყველა კორპუსიდან, ურთიერთობებში და სწავლაში ატარებდნენ დროს. ჩვენი ლოცვაა რომ, ის რაც მათ აქ ისწავლეს, გაავრცელონ თავის კორპუსებში, რათა ქალთა მსახურება გაიზარდოს და განვითარდეს რეგიონში.

 

 

 

 

 

 

ახალგაზრდული და ბავშვთა ვიქენდი

მარტის ბოლო შაბათ-კვირა მნიშვნელოვანი ვიქენდი იყო ხსნის არმიისთვის მსოფლიო მასშტაბით. ამ წელს განსაკუთრებული ყურადღება დაეთმო ბავშვთა და ახალგაზრდა თაობის მობილიზებას.

პროგრამები ჩატარდა კორპუსის შიგნით და გარეთ, და უფლის სიტყვის საზოგადოებამდე მიტანა მოხდა სხვადასხვა გზით.

 

z13
z12

ეს ვიქენდი დაგვირგვინდა რეგიონის ახალგაზრდების შეხვედრით ცენტრალური კორპუსის დარბაზში, სადაც დამსწრე 70 ახალგაზრდა გამხნევდა სიტყვით, რომ მათ ეძებონ უფლის მოწოდება მათ ცხოვრებაში, მიუხედავად იმისა, თუ როგორც ცხოვრებენ

და კიდევ ცვლილებები

ზევით ავღნიშნე, რომ ჩვენმა ახალმა თარჯიმანმა, გიორგიმ, რამოდენიმე დღე გაატარა ჩვენთან ერთად ბაკურიანში, თუმცა ამჟამად იგი უკვე აღარ მუშაობს რეგიონში.

სულ რამოდენიმე კვირის წინ, ნინო ნაროზაული დაგვიბრუნდა რეგიონში, რომელიც მანამდე ფინანსური კოორდინატორი იყო. ამჟამად იგი ასრულებს თარჯიმნის და ადმინისტრატორის მოვალეობას.

ვლოცულობთ რომ ნინო იყოს კურთხევა ჩვენთვის, ვინაიდან იგი ასრულებს მნიშვნელოვან როლს რეგიონში.

სხვა ამბები

ახალი ამბების ნაწილს შეადგენს ის რომ რეგიონალური ლიდერები, ჯილიან და სტივ ბრუნდებიან ინგლისში.

მათი თავდაპირველი მსახურების ვადა საქართველოს ტერიტორიაზე უნდა დასრულებულიყო 2018 წლის თებერვლის ბოლოს, მაგრამ ინგლისის ხსნის არმიის გადაწყვეტილებით, ისინი დაბრუნდებიან სამშობლოში ამ ზაფხულს.

ორწლინახევრიანი მსახურების შემდეგ სტივი და ჯილიანი საქართველოს დატოვებენ ამა წლის აგვისტოს დასაწყისში.

კარგი ამბავი ის არის რომ, რეგიონში უკვე დაინიშნენ ახალი ლიდერები. მაიორები რეი და ქერელ ბეგლები ინგლისიდან ეწვევიან  საქართველოს აგვისტოში, რათა გადაიბარონ ხელმძღვანელობა. ვლოცულობთ ასევე მათთვის, ვისაც ცვლილებები შეეხება მომდევნო თვეების მანძილზე.